तिमीले अवश्य बुझ्नेछौँ !
मैले हारेको दिन
मैले रोएको दिन
तिमीले अवश्य बुझ्नेछौ
मैले जित्न नसक्नुको कारण
मैले हाँस्न नसक्नुको कारण
मैले त्यागेको दिन
मैले छाडेको दिन
तिमीले अवश्य बुझ्नेछौ
म आफ्नै घरमा नबस्नुको कारण
म आफ्नै सँग नहुनुको कारण
म टुक्रिएको दिन
म एक्लिएको दिन
तिमीले अवश्य बुझ्नेछौ
म धेरैमा नअट्नुको कारण
म धेरैसँग नमिल्नुको कारण
म शून्य भएको दिन
म शान्त भएको दिन
तिमीले अवश्य बुझ्नेछौ
म सम्पूर्ण नहुनुको कारण
म कोलाहलमा नबस्नुको कारण
म असाधारण भएको दिन
म असमान भएको दिन
तिमीले अवश्य बुझ्नेछौ
म साधारण नदेखिनुको कारण
म समान नहुनुको कारण
म अन्धकार भएको दिन
म बर्बाद भएको दिन
तिमीले अवश्य बुझ्नेछौ
म उज्यालो नदेखिनुको कारण
म सफल नहुनुको कारण
Comments
Post a Comment