अ-सामान्य

तिमी सबथोक पाउन केहि गर्दछौँ

म केहि पाउन सबथोक गर्दछु,

तिमी सबथोक गुमाउँदा दुखी हुन्छौँ

म एकपल खुशीको निम्ति मेरो सबथोक गुमाउन सक्दछु ।

तिमी असफल हुने डरले प्रयास गर्दैनौँ

म असफल हुँ त्यसैले प्रयास गर्छु,

तिमी अन्तिमलाई समाप्त ठान्दछौँ र रोकिन्छौँ

म अन्तिमलाई सुरुवात देख्छु र बल्ल पाइला सार्छु ।

तिमी एक हाँसो हाँस्न कुनै मित्र खोज्दछौँ

म एक ब्रमाण्ड आँशु एक्लै बगाइदिन्छु

तिमी आकाश हेरेर सपना बुन्दछौ

म मेरो सपनामै सहि पूरै आकाश बुन्दिछु ।

तिमी प्रख्यात हुन नाम कमाउन चाहन्छौँ

म शून्यमा शून्य हुन चाहन्छु,

तिमी प्रश्नहरुको उत्तर खोज्न तिर लाग्छौँ

म प्रश्नहरुलाई पनि बारम्बार प्रश्नै-प्रश्न गर्छु ।

तिमी भलाई गरे जसरी भारी दुख दिन्छौँ

म केही नदिए जसरी थोरै आत्मविश्वास दिन्छु

तिमी केहि दिन लागे जसरी सम्पूर्ण लिगिदिन्छौँ

केहि नदिने वाचा गरेपछि पनि म मेरा सम्पुर्ण दिन तयार हुन्छु ।

तिमी मजबुरीलाई बहाना जस्तो देख्दछौँ

म मजबुरीलाई सबथोक, सबथोक देख्दछु

तिमी मृत्युलाई अन्त्य देख्दछौँ

म मृत्युलाई नयाँ जीवन देख्दछु ।

तिमी नबोल्नुलाई शब्द विहिन हुनु भन्ने आरोप लगाउछौँ

म नबोल्नुलाई आँधीबेरी आउनु अगाडिको शान्त वायू देख्दछु

तिमी हराउनुलाई नभेटिनु ठान्दछौँ

म हराउनुलाई भेटिनु जस्तै देख्दछु ।

तिमी तिम्रा लागि पुगेपछि अरुका बारेमा बल्ल सोच्छौँ

म मेरा निम्ति मेरो नाम लिगे जसरी सबका बारेमा सोच्दछु 

र,

तिमीले जेलाई मूल्यावन् भन्छौँ

मैले त्यसलाई त्यागेको वर्षौँ भइसक्यो ।।